Bëlnota Medalu Stolema dërżéniowò parłãczi sã ze znaczënkã heroje kaszëbsczich mitologijów, Stolemã, nazëwónégò téż Stolimã, Stolimanã, Stwolinã.

Geneza słowa stolem nie je slédno ùstanowionô. R. Derdziński etimòlogijã negò słowa dolmaczi przez parłãkã z pragermańsczima *stainaz, *staina- ‘kamień’. Jinak A. Brückner – pòzwã nã parłãczi z przëwanożenim Gòtów do słowiańsczi krôjnë Oium, w jaczi żëlë Spalowie. Etnonim Spalów miôłbë pòchôdac tuwò òd słowa ispolin, jaczé w stôro-cerwiowò-słowiańsczim jãzëkù znaczi tëli, co stolem.

W kaszëbsczi mitologije Stolem znóny béł ze swòji wiôlgòscë a wiôldżi mòcë. Jak pòdôwają legeńdë, rozmiôł przenôszac gromisti kamë z jednégò placa na drëdżi a téż òksëpama nyma cëskôł i szmërgôł. Wierã gwësno Stolem sóm mógł sã w kam zamienic.

Symbòlika Stolema zgrëpiô sã wkół słowów mòc, kraft, bëlnota, wiôlgòsc. Wiedno mô mòc, bë robic dlô kaszëbsczi dejë. Niezłómóny, jegò znanką je kraft dëszë, a brzadã jegò robòtë – stolemné doprzińdzenia. To je Stolem.

Hanna Makurat

zôczątk